میمن گوٹھ سرچ آپریشن میں گٹکا فیکٹری پکڑی گئی ۔6گرفتار

کراچی (اسٹاف رپورٹر)میمن گوٹھ میں سرچ آپریشن کے دوران گٹکا فیکٹری پر چھاپہ مار کر 6ملزمان کو گرفتار کر کے اسلحہ اور لاکھوں روپے مالیت کا گٹکا اور مشینیں ضبط کرلیں ۔تفصیلات کے مطابق میمن گوٹھ میں پولیس نے سرچ آپریشن کے دوران اچانک ایک گھر کی تلاشی لی جہاں خفیہ طور پر گٹکا تیار کیا جارہا تھا ۔ایس ایس پی ملیر عرفان بہادر نے بتایا کہ 6 ملزمان شاہ فیصل ۔اورنگزیب،زاہد علی ،عرفان ،مدثر اور علی نواز کو گرفتار کر کے اسلحہ ،ایک کین کچی شراب ڈیڑھ لاکھ نقد۔چھالیہ کے 14بورے،چونے کے 4 بورے،بلتی چھالیہ کے 20باکس، تمباکو کے 4پیکٹ ،4مشینیں ضبط کرلیں ۔