کھارادر میں ریسٹورنٹ پر فائرنگ ۔بھتہ خور 10لاکھ کی پرچی دے کر فرار

کراچی (اسٹاف رپورٹر) کھارادر میں باربی کیو اینڈ فاسٹ فوڈ ریسٹورنٹ پر نامعلوم بھتہ خور اندھا دھند فائرنگ کر کے 10لاکھ بھتے کی پرچی پھینک کر فرار ہوگئے فائرنگ میں ملازم زخمی ہوگیا ۔ تفصیلات کے مطابق کھاردار میں پاریا اسٹریٹ پر میک بار بی کیو اینڈ فاسٹ فوڈ پر موٹر سائیکل سوار ملزمان نے فائرنگ کی اور10لاکھ بھتے کی پرچی پھینک ہوئے فرار ہوگئے ،فائرنگ کے نتیجے میں ریسٹور نٹ کا ملازم 22سالہ اسرار زخمی ہوگیا جسے سول اسپتال منتقل کیا گیا ۔ ایس ایچ او ناصر خان نے کہا کہ پولیس واقعے کی مزید تفتیش کررہی ہے اس کے بعد مقدمہ درج کیا جائے گا۔