قومی بلائنڈ خواتین ٹیم کا اعلان جنوری میں ہوگا

اسلام آباد (امت نیوز) پاکستان بلائنڈ کرکٹ کونسل (پی بی سی سی) نیپال کے خلاف ہوم سیریز کےلئے 15 رکنی قومی بلائنڈ خواتین ٹیم اور ٹیم مینجمنٹ کا اعلان جنوری میں کرے گی۔ نیپال کی بلائنڈ ویمن کرکٹ ٹیم پاکستان کے ساتھ پانچ ٹی 20 میچوں کی سیریز کےلئے 26 جنوری کو پاکستان کے دورہ پر آئے گی۔ پاکستان بلائنڈ کرکٹ کونسل کے چیئرمین سیّد سلطان شاہ نے ”اے پی پی“ کو بتایا کہ نیپال کے خلاف ٹی 20 سیریز کےلئے پی بی سی سی نے25خواتین کھلاڑیوں کو شارٹ لسٹ کیا گیا ہے تاہم سیریز کےلئے 15 رکنی حتمی ٹیم کا اعلان جنوری میں کیا جائے گا۔
٭٭٭٭٭