طاہر وحید جٹ پنجاب کبڈی کے جنرل سیکرٹری منتخب
راولپنڈی (امت نیوز)قومی ٹیم کے سابق کپتان و کوچ طاہر وحید جٹ پنجاب کبڈی ایسوسی ایشن کے متفقہ طور پر جنرل سیکرٹری اور طیب گیلانی جوائنٹ سیکرٹری منتخب ہوگئے۔ گزشتہ روز پنجاب کبڈی ایسوسی ایشن کا اجلاس صوبائی وزیر قانون و پنجاب کبڈی ایسوسی ایشن کے صدر محمد بشارت راجا کی زیر صدارت منعقد ہوا۔ اس موقع پر پاکستان کبڈی فیڈریشن کے سیکرٹری جنرل محمد سرور رانا، پاکستان نیوی کے ڈائریکٹر سپورٹس کیپٹن ناصر، پنجاب سپورٹس بورڈ کے نمائندے ڈسٹرکٹ سپورٹس آفیسر راولپنڈی حاجی وحید بابر کے علاوہ پنجاب بھر سے 32 اضلاع کے نمائندوں نے شرکت کی۔اس دوران راجا بشارت نے کہاکہ قومی کبڈی چیمپیئن شپ فیصل آباد میں ہوگی، جس میں ملک بھر سے 13 ٹیموں کے علاوہ ایران اور بھارت کی ٹیمیں بھی شرکت کریں گی۔
٭٭٭٭٭
