آئندہ100روز بھی استحصالی نظام کی تبدیلی کیلئے انقلابی اقدامات کریں گے- نصرت واحد

کراچی (پ ر) تحریک انصاف کی رکن قومی اسمبلی نصرت واحد نے کہا ہے کہ آئندہ100روز میں بھی استحصالی نظام کی تبدیلی اور عوامی فلاح و بہبود کیلئے انقلابی اقدامات کریں گے۔ حکومت کے ابتدائی100روز کی کارکردگی متاثر کن ہے۔ سکھوں کی گردوارہ دیوجی آمد کیلئے کرتارپور کوریڈور کا سنگ بنیاد تاریخی اقدام ہے۔ کرتارپور کوریڈور کھلنے سے160کلو میٹر سفر صرف 6-7کلو میٹر ہوجائے گا۔ انہوں نے کہا کہ ابتدائی100دنوں میں معیشت کی بہتری کیلئے سعودی عرب، امارات اور چین سے اقتصادی معاہدے کئے گئے ہیں، جن کے مثبت اثرات جلد عوام تک پہنچیں گے۔