تجاوزات گراتے مزدور ملبے تلے دب کر ہلاک

میرپورخاص(بیورورپورٹ)تجاوزات کو ہٹاتے ہوئے مزدور ملبے تلے دب کر ہلاک ہو گیا، 26 سالہ مزدور تجاوزات کی جگہ توڑنے میں مصروف تھا کہ اچانک بھاری پلر آگرا۔ تفصیلات کے مطابق میرپورخاص میں تجاوزات کے خلاف جاری آپریشن کے خوف سے تجاوزات قائم کرنے والوں نے اپنی مدد آپ کے تحت تجاوزات کا خاتمہ شروع کر دیا ہے۔ سبزی منڈی چوک کے قریب چوہدری محمدعمران اپنی دُکان کے آگے بنائی گئی تجاوزات کو ختم کرنے کے لیے مزدوروں کو لایا جنہوں نے تجاوزات کو گرانا شروع کیا تھا کہ اس دوران ایک بھاری پلر 26سالہ مزدور ہیرو ولد پھنوں میگواڑ پر آگرا جس کے نتیجے میں مزدور ملبے تلے دب کر ہلاک ہو گیا جس کی لاش مہران تھانے کی پولیس نے سول اسپتال پہنچائی جہاں ضروری کارروائی کے بعد لاش ورثا کے حوالے کردی گئی۔