صدف فورم کے تحت ارشد صابری کی یاد میں مفت طبی

کراچی (بزنس رپورٹر) گلشن اقبال میں واقع ارشد صابری پارک میں سماجی اور فلاحی تنظیم صدف فورم کی چیئرمین پرسن مسز صدف بھٹی کوآرڈنینٹر ہیپی پلیس گروپ آف اسکولز اصفہانی کیمپس اور ثنااللہ شیخ (یوتھ ڈائورسی فائیرز فارم) نے ارشد صابری (مرحوم) کی یاد میں مفت طبی کیمپ کا انعقاد کیا۔جس میں کارڈیو، سائیکو تھر اپسٹ، ڈینٹل، پیڈیاٹرک اور ہومیو جیسے دیگر امراض کے مریضوں کا معائنہ کرکے ادویات دی گئی۔ اصفہانی کیمپس کی پرنسپل مسز صدیقی اور چیئرمین آصف خان نے صدف بھٹی کی اس کوشش کو خوب سراہا اور ان کے ساتھ ملکر آئندہ بھی عوام کے لئے مزید فری کیمپ لگوانے کا وعدہ کیا۔ مہمان خصوصی ڈی ایس پی ظفر رضوی، سی پی ایل سی کے شکیل بیگ اور روزینہ جلال نے بھی صدف بھٹی کی اس کوشش کوسراہا۔ سماجی شخصیت ایاز میمن موتی والا نے بھی اس پروگرام میں شرکت کرکے پوری ٹیم کو انعامات سے نوازا۔