ینگ لکی اسٹار نے چیلنج کپ ون ڈے ٹورنامنٹ جیت لیا

لاہور (امت نیوز) ینگ لکی سٹار نے میزبان گولڈن سٹارکرکٹ کلب کو 65رنز سے شکست دے کر پہلا کینن فوم چیلنج کپ ون ڈے کلب کرکٹ ٹورنامنٹ جیت لیا ۔ینگ لکی سٹارکرکٹ کلب کے بلے باز زبیر ملک اور گولڈن سٹار کرکٹ کلب کے فاسٹ بائو لر اسد رضا کی شاندار باولنگ ایل سی سی اے گراونڈ پر ہونے والے اس میچ کی خاص بات تھی ۔گولڈن سٹار کرکٹ کلب کی دعوت پر ینگ لکی سٹار کرکٹ کلب نے پہلے کھیلتے ہوئے نو وکٹوں پر 259رنز بنائے ۔زبیر ملک 78،وقاص علی 74 اور سلمان فیاض 25رنز بناکر نمایاں رہے ۔گولڈن سٹارکر کٹ کلب کے اسد رضا نے 56رنز کے عوض چار ،زیاب خان نے 36رنز کے عوض دو ،عمران علی نے 53رنز کے عوض دو جبکہ ابرار احمد نے ایک کھلاڑی کو آئوت کیا ۔جواب میں گولڈن سٹار کرکٹ کلب کی ٹیم 32ویں اوور میں 194رنز بناکرآئوٹ ہو گئی ۔
٭٭٭٭٭