انٹرنیشنل اسکواش چیمپئن شپ کراچی میں شروع ہوگئی

کراچی(امت نیوز)تیرہویں چیف آف دی نیول اسٹاف اسکواش چیمپئن شپ 2018 کی افتتاحی تقریب آج روشن خان جہانگیر خان اسکواش کمپلیکس میں منعقد کی گئی۔ کے پی ٹی کے جنرل مینیجر انجینئرنگ ، ریئر ایڈمرل ساجد وزیر خان نے بطور مہمان خصوصی اس تقریب میں شرکت کی۔ ٹورنامنٹ ڈائریکٹر کموڈور حبیب الرحمن نے تقریب سے خطاب میں تفصیلات سے آگاہ کرتے ہوئے کہا کہ ٹورنامنٹ الوداعی طرز پر کھیلی جائے گی اور ٹاپ 8 کھلاڑیوں کو دوسرے رانڈ میں کھیلنے کا موقع دیا جائے گا ۔چیمپئن شپ کا پہلا رانڈ آج شروع ہو چکا ہے جبکہ چیمپئن شپ 10 دسمبر کواختتام پذیرہوگی۔ انہوں نے بتایا کہ 24 کھلاڑی اس ٹورنامنٹ میں حصہ لے ر ہے ہیں جن میں سے نصف کا تعلق پاکستان سے جبکہ نصف بین الاقوامی کھلاڑی ہیں جن کا تعلق مصر، ایران، ہانگ کانگ، آئر لینڈ، ملائیشیا، میکسیکو، پرتگال اور قطر سے ہے۔
٭٭٭٭٭