ملازمین ادارے میں ریڑھ کی ہڈی کی حیثیت رکھتے ہیں۔چیئرمین بلدیہ غربی

کراچی(بزنس رپورٹر)چیئرمین بلدیہ غربی اظہار الدین احمد خان نے کہا ہے کہ ملازمین کسی بھی ادارے کے لیے ریڑھ کی ہڈی کی حیثیت رکھتے ہیں۔ان کی خدمات کو ریٹائرمنٹ کے بعد بھی یاد رکھا جاتا ہے۔یہ بات انہوں نے محکمہ تعلیم بلدیہ غربی سائٹ زون کے تحت جشن میلادالنبیؐ بشمول اعزازی تقریب برائے ریٹائر ملازمین میں مہمان خصوصی شرکت کے موقع پر کہی۔تقریب میں ڈپٹی ڈائریکٹر تعلیم و دیگر افسران بھی موجود تھے۔بچوں نے جشن میلادالنبیؐ کی مناسبت سے ہدیہ نعت پیش کیا۔آخر میں چیئرمین نے افسران کے ہمراہ ریٹائرڈ ملازمین میں اسناد تقسیم کیں، جب کہ مرحومہ ستارہ باجی کی خدمات کے اعتراف میں ان کی بیٹی کو سند پیش کی گئی۔