ایشین فٹ سال چیمپیئن شپ 13 دسمبر سے اسلام آباد میں شروع ہو گی

اسلام آباد(این این آئی) پاکستان ساکر فٹ سال فیڈریشن کے زیراہتمام ایشین فٹ سال چیمپیئن شپ 13 دسمبر سے لیاقت جمنازیم اسلام آباد میں شروع ہو گی، ان خیالات کا اظہار گذشتہ روزمیڈیا سے گفتگو کرتے ہوئے پاکستان ساکر فٹ سال فیڈریشن کے سیکرٹری عدنان ملک نے کیا، انہوں نیکہا کہ چیمپیئن شپ کی تیاریاں زور شور پر ہیں اور چیمپیئن شپ میں آٹھ ممالک کی ٹیمیں حصہ لے رہی ہیں جن میں میزبان پاکستان، افغانستان، بنگلہ دیش، بھارت ، نیپال، ترکی، سعودی عرب اور سری لنکا کی ٹیمیں شامل ہیں، انہوں نیکہا کہ پاکستان ایشیائی سطح کی پہلی بار چیمپین شپ کی میزبانی کر رہا ہے ۔