کیلیفورنیاکے جنگلات میں لگی آگ سے مزید 5افراد ہلاک

کیلیفورنیا(مانیٹرنگ ڈیسک) امریکی ریاست کیلی فورنیا کے جنگلات میں لگی آگ سے مزید 5 افراد ہلاک ہوگئے ۔میڈیا کے مطابق کی ہلاکتوں کی تعداد 6 ہو گئی ہے۔آتشزدگی کے نتیجے میں 874 عمارتیں اور گھر جل کر راکھ کا ڈھیر ہو گئے۔ ایک مکان سے 70سالہ خاتون اور اُن کے دو پوتوں کی لاشیں ملی ہیں۔ ریسکیو حکام کے مطابق 3 ہزار سے زائد متاثرین کو محفوظ مقام پر منتقل کردیا گیا ہے اور مزید 9ہزار افراد کے انخلاء کی ضرورت پڑے گی۔ 7دنوں سے ہزاروں فائر فائٹرز آگ پر قابو نہیں پا سکے ہیں ۔