رینجرز۔پولیس کے ہاتھوں بھتہ مافیا کارندوںسمیت18گرفتار

کراچی (اسٹاف رپورٹر) پولیس اور رینجرز نے مختلف کارروائیوں کے دوران بھتہ مافیا کے کارندوں سمیت 18ملزمان کو گرفتار کرکے اسلحہ ،منشیات اور مسروقہ سامان برآمد کرلیا۔ تفصیلات کے مطابق رینجرز نے زمان ٹائون میں دومنشیات فروشوں محسن علی اور ظہیر کو گرفتار کرکے پولیس کے حوالے کردیا ۔ سعیدآباد پولیس نے ملزم اسماعیل کو گرفتار کرکے قبضے سے اسلحہ برآمد کرلیا۔تیموریہ پولیس نے بینک ڈکیتی کے ملزم سمیر،گلشن اقبال پولیس نے طالبہ سے موبائل فون چھیننے والی ملزمہ نادیہ ،کھارادر پولیس نےحاکم علی ،منگھوپیر پولیس نے حنیف شاہ ،عبدالجبار ، حیدری پولیس نے ملزم محمد حسن ،مومن آباد پولیس نے بھتہ خوروں نورشریف ،عامر اور آصف اللہ کو گرفتار کرکے اسلحہ برآمد کرلیا ،پولیس کے مطابق ملزمان نےمقامی تاجر سے 25لاکھ بھتہ طلب کیا تھا۔خواجہ اجمیر نگری پولیس نے شعیب اور فیضان سے اسلحہ اور مسروقہ موٹر سائیکل برآمد کرلی۔