ڈیولیئر- اسمتھ سمیت 19 کرکٹر پہلی بار پی ایس ایل میں شریک ہونگے

لاہور (امت نیوز) جنوبی افریقہ کے اے بی ڈی ویلیئرز اور زمبابوے کے برینڈن ٹیلر لاہور قلندر کی طرف سے، جبکہ آسٹریلیا کے اسٹیون اسمتھ چھٹی ٹیم کی طرف سے کھیلیں گے۔ ان تین کھلاڑیوں سمیت 19 کھلاڑی پہلی بار پی ایس ایل میں کھیلیں گے، پہلی بار پی ایس ایل کا حصہ بننے والے دیگر 16کھلاڑیوں میں فواد احمد، قاسم احمد، کورے اینڈرسن، لان بیل، ڈان کرسٹین، بین ڈنگ، لورے ایونز، سندیپ، وین پامل، سکندر رضا، وقار سلام خیل اور فل سالٹ شامل ہیں۔ پی سی بی کا کہنا ہے کہ پی ایس ایل فور ملک میں انٹرنیشنل کرکٹ کے مزید دروازے کھول دے گی۔ دنیا کو واضح پیغام ملے گا کہ پاکستان کھیلوں کیلئے محفوظ ملک ہے۔ پاکستان سپر لیگ کی چھٹی ٹیم کی نیلامی کا مرحلہ 19 دسمبر تک مکمل ہوجائے گا۔ چھٹی ٹیم کی نیلامی کیلئے فارم 14 دسمبر تک دستیاب ہوگا جبکہ اسے 19 دسمبر تک جمع کروانا ہوگا۔ پاکستان سپر لیگ کے چوتھے ایڈیشن کیلئے ایونٹ میں شامل چھٹی ٹیم کیلئے پیشکشں پہلے ہی طلب کرلی گئیں تھی۔
٭٭٭٭٭