پاکستان میں اوپن ہاکی سیریز کاشیڈول جاری- انتظامات مکمل

لاہور(خبرنگارخصوصی)فیڈریشن آف انٹرنیشنل ہاکی (ایف آئی ایچ)کی جانب سے پاکستان میں اوپن ہاکی سیریز کا شیڈول جاری کردیا گیا ۔پاکستان ہاکی فیڈریشن (پی ایف ایف )کی جانب سے انتظامات کو مکمل کرلیا گیا ۔ایونٹ میں 5 غیر ملکی ٹیمیں حصہ لے رہی ہیں ۔جن میں پاکستان کے علاوہ قازقستان، افغانستان، ازبکستان، ازبکستان اور نیپال کی ٹیمیں شامل ہیں ۔اوپن ہاکی سیریز کا افتتاحی میچ کل بروز منگل 17 دسمبر کو ازبکستان اور افغانستان کی ٹیموں کے مابین نیشنل ہاکی اسٹیڈیم لاہور میں کھیلا جائے گا۔جبکہ دوسرا میچ 18 دسمبر کو قازقستان اور نیپال کے مابین ہوگا۔تیسرا میچ 19 دسمبر کو افغانستان اور قازقستان کے مابین کھیلا جائے گا.چوتھا میچ 20 دسمبر کو ازبکستان اور نیپال کے مابین ہوگا.پانچواں میچ 21 دسمبر کو نیپال اور افغانستان کے درمیان کھیلا جائے گا جبکہ 22 دسمبر کو آخری میچ قازقستان اور ازبکستان کے مابین منعقد ہوگا۔