قومی انڈر19 ون ڈے کرکٹ ٹورنامنٹ کی تیاریاں مکمل

اسلام آباد(امت نیوز) پاکستان کرکٹ بورڈ کے زیراہتمام قومی انٹر ریجن انڈر 19 ون ڈے کرکٹ ٹورنامنٹ کے افتتاحی روز آٹھ میچز ( آج) بدھ کو کھیلے جائیں گے، ٹورنامنٹ میں 18 ٹیمیں حصہ لے رہی ہیں، گروپ اے میں کے آر ایل گراؤنڈ، راولپنڈی میں کراچی وائٹس کا مقابلہ فاٹا سے ہوگا، نیشنل کرکٹ گراؤنڈ، اسلام آباد میں لاہور وائٹس اور کوئٹہ کی ٹیمیں مدمقابل ہونگی، ڈائمنڈ کرکٹ گراؤنڈ، اسلام آباد میں فیصل آباد اور آزاد جموں و کشمیر کی ٹیموں کا آمنا سامنا ہوگاجبکہ پنڈی سٹیڈیم میں راولپنڈی اور اسلام آباد کی ٹیموں کے درمیان میچ کھیلا جائے گا،گروپ بی میں ایس بی پی گراؤنڈ کراچی میں ایبٹ آباد اور کراچی بلیو کا مقابلہ ہوگا، یوبی ایل گراؤنڈ کراچی میں لاہور بلیو اور پشاور کی ٹیمیں مدمقابل ہونگی، این بی پی گراؤنڈ میں ملتان اور سالکوٹ کی ٹیموں کے درمیان میچ کھیلا جائے گا۔