نیوزی لینڈ کرکٹ نے ٹیم پاکستان بھیجنے سے معذرت کرلی

آکلینڈ(امت نیوز)نیوزی لینڈ کرکٹ بورڈ نے پی سی بی کی پیشکش کو مسترد کرتے ہوئے ٹیم پاکستان بھیجنے سے معذرت کرلی۔چیئرمین نیوزی لینڈ کرکٹ بورڈ کرس مولر کے مطابق سیکیورٹی رپورٹ کی بنیاد پر ٹیم پاکستان نہیں بھیج رہے اور اسی رپورٹ نے انہیں پاکستان میں سیریز کھیلنے سے روکا۔پاکستان کرکٹ بورڈ رواں سال اکتوبر میں نیوزی لینڈ کو ٹی ٹوئنٹی سیریز پاکستان میں کھیلنے کی پیشکش کی تھی تاہم نیوزی لینڈ کے انکار کے بعد پاکستان متحدہ عرب امارات میں کیویز ٹیم کی میزبانی کریگا۔یاد رہے کہ پاکستان اور نیوزی لینڈ کے درمیان فیوچر ٹور پروگرام کے تحت رواں سال اکتوبر سے دسمبر تک متحدہ عرب امارات میں 3 ایک روزہ میچز پر مشتمل سیریز، 3 ٹیسٹ اور 3 ٹی ٹوئنٹی میچز پر مشتمل سیریز شیڈول ہے۔