سوئی سدرن نے نیشنل ٹریک سائیکلنگ چیمپئین شپ میں سلور میڈل جیت لیا

کراچی(بزنس رپورٹر)سوئی سدرن گیس کمپنی لاہور میں منعقدہ نیشنل ٹریک سائیکلنگ چیمپئین شپ میں چاندی کا تمغہ جیت کر سائیکلنگ سرکٹ میں ٹاپ تھری میں شامل ہوگئی ۔سائیکلنگ فیڈریشن کے تحت منعقدہ چیمپئین شپ میں پاک آرمی نے سونے اور واپڈا نے کانسی کا میڈل حاصل کیا۔ تقریب کا افتتاح عامر طفیل، ڈی ایم ڈی، ایس این جی پی ایل نے کیا جب کہ لیفٹینٹ کرنل(ر) شعیب احمدقریشی، سیکرٹری ایس ایس جی سی اسپورٹس بورڈ اور دیگر عہدیداران نے مہمانان خصوصی اور ملک بھر سے آئے سائیکلسٹس کا استقبال کیا۔ تقریب کے دوسرے دن کے مقابلوں کے مہمان خصوصی عمران فاروقی، ڈی ایم ڈی (کارپوریٹ سروسز) ایس ایس جی سی تھے۔