قائد اعظم انٹر کالجیٹ گرلز باسکٹ بال ٹورنامنٹ میں مزید 3 میچوں کے فیصلے
کراچی (امت نیوز) پاکستان سپورٹس ویلفیئر ایسوسی ایشن کے زیر اہتمام کراچی باسکٹ بال ایسوسی ایشن کے اشتراک سے آرام باغ باسکٹ بال کورٹ پر جاری قائد اعظم انٹر کالجیٹ گرلز باسکٹ بال ٹورنامنٹ میں مزید 3 میچوں کے فیصلے ہوگئے۔ بدھ کو جاری کردہ اعلامیہ کے مطابق پہلے میچ میں کے ایم اے کالج وائٹ نے مد مقابل گورنمنٹ ویمن کالج شاہراہ لیاقت کو 28-23 پوائنٹس سے ہرا دیا۔ فاتح ٹیم کی جانب سے حبیبہ 9، عارفہ 8 اور حرانے 7 جبکہ رنر اپ ٹیم کی جانب سے عائشہ 6 ، ماہ رخ 6 اورطوبہ خان نے 6 پوائنٹس سکور کیے۔
