”کِک باکسنگ کے عالمی کھلاڑی پاکستان آرہے ہیں“

سرگودھا (امت نیوز) پاکستان تحریک انصاف اسپورٹس ایسوسی ایشن کے چیئرمین عاطف اللہ خان نیازی نے کہا ہے کہ پاکستان میں ٹیلنٹ کی کمی نہیں ہے، کِک باکسنگ کے بین الاقوامی کھلاڑی بڑی تعداد میں پاکستان آرہے ہیں ان کی حوصلہ افزائی کےلئے ملک بھر میں ٹرائل کرائے جائیں گے۔ قبل ازیں سپورٹس ونگ کے زیر اہتمام کرکٹ کے مقابلہ جات بھی کروائے گئے جس سے نیا ٹیلنٹ سامنے آیا ہے۔ یہ بات پی ٹی آئی سپورٹس ایسوسی ایشن پاکستان کے چیئرمین عاطف اللہ خان نیازی نے بتائی۔ انہوں نے بتایا کہ مزید کھلاڑیوں کی تلاش کےلئے سرگودھا سمیت ملک بھر کے مختلف شہروں میں ٹیلنٹ ہنٹ کے نام سے مقابلہ جات کروائے جائینگے۔ انہوں نے کہا کہ ہماری دعوت پر ایران کے وزیر کھیل ڈاکٹر بیروز کارخنائی پاکستان کا دورہ کرینگے جس سے دونوں ملکوں کے درمیان کھیلوں کے فروغ کےلئے اقدامات کرنے میں مدد ملے گی۔