شعیب ملک 250 ٹونٹی ٹونٹی چھکے لگانے والے پہلے پاکستانی

لاہور (امت نیوز) قومی ٹیم کے سابق کپتان اور آل رانڈر شعیب ملک ٹونٹی ٹونٹی کرکٹ میں250چھکے لگانیوالے پہلے پاکستانی اور پانچویں ایشیائی بلے باز بن گئے ہیں ۔ 36سالہ شعیب ملک نے نیشنل ٹی ٹونٹی ٹورنامنٹ میں کراچی وائٹس کی نمائندگی کرتے ہوئے لاہور بلیوز کی ٹیم کیخلاف36گیندوں پر2چوکوں اور2چھکوں کی مدد سے 48رنز سکور کرنے کے دوران یہ کارنامہ سر انجام دیا ، شعیب ملک اب تک328ٹونٹی ٹونٹی میچز کی308اننگز میں37.16کی اوسط سے 8324رنز سکور کرچکے ہیں جن میں49نصف سنچریاں شامل ہیں ،وہ اب تک ٹونٹی ٹونٹی کرکٹ میں644چوکے اور251چھکے لگا چکے ہیں ۔یاد رہے کہ ٹونٹی ٹونٹی کرکٹ میں زیادہ چھکے لگانے والے ایشیائی بلے بازوں میں روہت شرما 322چھکوں کیساتھ پہلے ، سریش رائنا 299چھکے لگا کر دوسرے،مہندرا سنگھ دھونی267چھکے لگا کر تیسرے اور یووراج سنگھ 253چھکے رسید کرکے چوتھے نمبر پر براجمان ہیں ۔
٭٭٭٭٭