راولپنڈی آنے والی گاڑی کو سرگودھا میں حادثہ-3 جاں بحق

سرگودھا(این این آئی )سرگودھا گجرات روڈ پر دو گاڑیوں کے تصادم میں بچے سمیت 3افراد جاں بحق اور تین زخمی ہو گئے۔بتایا گیا ہے کہ گجرات روڈ سالم انٹر چینج کے قریب وزیر آباد سے راولپنڈی آنے والا کیری ڈبہ اور مزدا کے درمیان تصادم میں کیری ڈبہ میں سوار ارشد،کنیز بی بی اور 6 سالہ بچہ موقع پر جاں بحق اور تین افراد محمد منیر،سدرہ اشرف وغیرہ زخمی ہو گئے۔زخمیوں اور جاں بحق افراد کو بھلوال ہسپتال منتقل کیا گیا جہاں ضروری کارروائی کے بعد میتیں ورثاء کے حوالے کر دی گئیں۔ ایک زخمی کی حالت تشویشناک ہے۔تما م ا افراد کا تعلق ایک ہی گھرانے سے بتایا جا رہا ہے۔