قومی بلائنڈ ویمن کرکٹ ٹیم کا تربیتی کیمپ راولپنڈی میں شروع

راولپنڈی (امت نیوز) پاکستان بلائنڈ کرکٹ کونسل کے زیر اہتمام قومی ویمن ٹیم کا تربیتی کیمپ (آج) پیر سے راولپنڈی میں شروع ہو گیا۔ پاکستان بلائنڈ کرکٹ کونسل کے چیئرمین سید سلطان شاہ نے گزشتہ روز سرکاری نیوز ایجنسی کو بتایا تھا کہ نیپال کے خلاف سیریز کے لئے ملک بھر سے 25 نابینا خواتین کھلاڑیوں کو شارٹ لسٹ کیا گیا ہے اور ان کا تربیتی کیمپ وقار النساءڈگری کالج راولپنڈی میں شروع ہو گا۔ انہوں نے بتایا کہ میرٹ کی بنیاد پر 15 رکنی ٹیم کا باضابطہ اعلان 31 دسمبر کو کیا جائے گا۔