پاک وہیلز کی جانب سے پورٹ گرینڈ میں آٹو شو

کراچی(بزنس رپورٹر)پاک وہیلز کی جانب سے پورٹ گرینڈ میں شاندار آٹو شو منعقد کیا گیا، جس میں شہریوں کی بڑی تعداد نے شرکت کی۔شو میں کلاسک کاروں اور ہیوی موٹر بائیکس کی بھی نمائش کی گئی، جو شہریوں کی دلچسپی کا مرکز بنی رہیں۔ بیٹری برانڈ فینکس نے بھی شو میں شرکت کی اور شہریوں کو تفریح کا موقع فراہم کیا۔فینکس کے اسٹال پر بچوں اور نوجوانوں کے درمیان کوئز سمیت مختلف مقابلے ہوئے۔فینکس کے ڈائریکٹر مارکیٹنگ ارشد گلریز بٹ نے کہا کہ فینکس بیٹریوں نے اپنے معیار اور اعلیٰ کارکردگی کے سبب مختصر عرصے میں نام کمایا۔آخر میں کنسرٹ کا بھی اہتمام کیا گیا تھا۔
٭٭٭٭٭