پولینڈ میں عمارت میں آگ لگنے سے 6 افراد ہلاک

وارسا(مانیٹرنگ ڈیسک ) پولینڈ کے دارالحکومت وارسا کے قریبی ضلع میں بے گھر افراد کی عمارت میں آگ لگنے سے 6 افراد ہلاک ہوگئے۔عینی شاہدین کا کہنا ہے کہ فائر بریگیڈ کے پہنچنے تک پوری عمارت مکمل طور پر جل کر راکھ کا ڈھیر بن گئی تھی،عمارت بے گھر افراد کے استعمال میں رہتی تھی۔پولیس کا کہنا ہے کہ دور دراز واقع ہونے کے باعث امدادی ٹیم کے پہنچنے میں تاخیر ہوئی، لکڑی کی عمارت ہونے کے باعث آگ نے عمارت کو مکمل طور پر خاکستر کردیا۔ آگ لگنے کی وجوہات کا تعین نہیں ہوسکا ہے۔