شہید حکیم سعید چیمپیئن شپ کا ٹائٹل ہمدرد ولیج اسکول نے جیت لیا

کراچی(بزنس رپورٹر)ہمدرد پبلک اسکول کے زیر اہتمام منعقدہ 20ویں شہید حکیم محمد سعید یادگاری انٹر۔اسکول فٹبال چیمپیئن شپ 2018کا فائنل میچ ہمدرد پبلک اسکول اور ہمدرد ولیج اسکول کے درمیان کھیلا گیا، جو ہمدرد ولیج اسکول نے ایک صفر سے جیت لیا۔مہمان خصوصی پی ٹی آئی سندھ کے رکن اسمبلی حلیم عادل شیخ نے کہا کہ فٹبال کے کھیل کی ہر سطح پر حوصلہ افزائی کریں گے۔انہوں نے شہید حکیم محمد سعید کو خراج عقیدت پیش کیا۔ حلیم عادل نے ہمدرد پبلک اسکول کو رنراپ اور چیمپیئن شپ کی فاتح ٹیم ہمدرد ولیج اسکول کو ونر ٹرافی دی۔اسکول کے ایڈمنسٹریٹر خالد نسیم نے ونر ٹیم کو 25ہزار اور رنر اپ ٹیم کو15ہزار روپے کا نقدانعام دینے کا اعلان کیا۔ ہمدرد فاؤنڈیشن کی صدر سعدیہ راشد نے حلیم عادل کو عکس مہر نبوی کی شیلڈ پیش کی۔تقریب میں سماجی کارکن رضوان جعفر، کرکٹرر رومان رئیس، وائس چانسلر پروفیسر ڈاکٹر شبیب الحسن، رجسٹرار پرویز احمد میمن، کونسلر عبدالطیف رند و دیگر نے شرکت کی۔