ٹرمپ کی حماقت سے عراق میں خفیہ امریکی فوجی بے نقاب

واشنگٹن(امت نیوز) امریکی صدر کا خفیہ دورہ عراق متنازعہ بن گیا۔ ٹرمپ نے بغداد کے قریب الاسد ایئر بیس پر امریکی فوجیوں سے ملاقات کی تھی۔ امریکی صدر کی حماقتوں پرنیوزویک نے لکھا کہ عراق کی فضائی حدود سے نکلنے سے قبل ٹرمپ نے ٹوئٹرپر ایک ویڈیو شیئر کی جس میں یو ایس نیوی سیلز کی ٹیم کے کچھ ارکان بھی واضح دیکھے جا سکتے ہیں جوعام طور پر اپنی شناخت خفیہ رکھتے ہیں۔ٹرمپ نے امریکی نیوی کے لیفٹیننٹ کمانڈر کیو لی کے ساتھ بھی سیلفی لی جس سے سب کو پتہ لگ گیا کہ وہ سیل ٹیم فائیو کا حصہ ہیں۔ٹرمپ نے عراق میں تعینات فوجیوں کی تنخواہ میں دس فیصد اضافے کا اعلان کیا لیکن2019 کے لیے بڑھائی گئی تنخواہ کانگریس منظور کرچکی ہے اور یہ اضافہ صرف 2.6 فیصد ہے۔برطانیہ سے نکل کر عراق جاتے ہوئےٹرمپ کا طیارہ ایئر فورس ون دیکھ لیا گیا تھا اورلوگوں نے اسےٹریک بھی کیا۔عراقی وزیر اعظم عدل عبدل مہدی نے ایئر بیس پر ٹرمپ سے ملاقات سے انکار کیا جبکہ عراقی شیعہ ملیشیا کے کمانڈرقیس الخزعلی نےبھی ا س طرح کے دورے اعتراض کیا ہے۔