بحریہ ٹاؤن لاہور- راولپنڈی میں سال نو پر جشن کی بھر پورتیاریاں
لاہور (امت نیوز) بحریہ ٹاؤن لاہور اور راولپنڈی میں سال نوبر جشن منانے کے لیے بھر پور تیاریاں جاری ہیں۔بحریہ ٹاؤن لاہور کے آئیفل ٹاور میں تقریب ہوگی، جس میں زبردست آتشبازی کا اہتمام بھی کیا جائے گا۔بحریہ ٹاؤن راولپنڈی میں دبئی میں گلوگارڈن کی طرز پر بنایا گیا پاکستان کا پہلا گلو پارک بحریہ ٹاؤن کے رہائشیوں اور گردونواح کے لوگوں کے لیے ایک دلچسپ تفریحی مقام ہوگا، جو جڑواں شہروں کے مکینوں کے لیے سیاست کا مرکز بنے گا۔تقریبات میں بحریہ ٹائون کے رہائیشوں سمیت دیگر علاقوں سے عوام کی بھر پور شرکت متوقع ہے، جس کے لیے خصوصی انتظامات کیے جارہے ہیں۔واضح رہے کہ بحریہ ٹاؤن ایک پرائیویٹ رئل اسٹیٹ پروجیکٹ ہے، جو اپنی روایات کو جاری رکھتے ہوئے ایسی تقریبات اور سنگ میل کو قائم رکھتا ہے۔
