ملک کی خوشحالی بلوچستان کے امن واستحکام سے جڑی ہے ۔جنرل باجوہ

راولپنڈی(مانیٹرنگ ڈیسک ) پاک فوج کے سربراہ جنرل قمر جاوید باجوہ نے کہا ہے کہ پاکستان کی خوشحالی بلوچستان کے امن واستحکام اور خوشحالی سے جڑی ہے۔ آئی ایس پی آر کے مطابق آرمی چیف سے وزیر اعلیٰ بلوچستان جام کمال خان نے ملاقات کی، جس میں صوبے کی سیکورٹی صورتحال پر بات چیت کی گئی جب کہ وزیراعلیٰ نے صوبے میں بہتر سیکورٹی اور خوشحال بلوچستان پروگرام کے تحت منصوبوں میں پاک فوج کی کوششوں کو سراہا۔ جنرل قمر جاوید باجوہ کا کہنا تھا کہ بلوچستان میں امن پاک فوج کی اولین ترجیح ہے۔ پاک افغان سرحد پر باڑ کی تنصیبات سے امن و امان میں مزید بہتری آئے گی جب کہ پاک ایران سرحد پر سیکورٹی رابطے و تعاون سے بھی بہتری آئے گی۔