بیشتر کرکٹرز نے سال نو کا آغاز فیملی کے ساتھ کیا
اسلام آباد (امت نیوز)کھیلوں سے وابستہ شخصیات نے سال کی شروعات اپنے اہل خانہ کیساتھ کیں ۔قومی کرکٹرز محمد حفیظ اور وہاب ریاض نے اپنی فیملی کیساتھ نئے سال کو خوش آمدید کہا اور فیملی ڈنر کیا ۔محمد حفیظ نے سوشل میڈیا پر تصویر شیئر کر کے اپنے مداحوں کیلئے نیک خواہشات کا اظہار کیا۔ وہاب ریاض اور ان کی اہلیہ نے بھی نئے سال کے آمد کے موقع پر مداحوں کیلئے تصویر شیئر کی۔بھارتی کپتان ویرات کوہلی نے اپنی اہلیہ اداکارہ انوشکا شرما کیساتھ سڈنی میں نئے سال کو خوش آمدید کیا۔اسٹار فٹ بالر کرسٹیانو رونالڈو ان دنوں دبئی میں ہیں جہاں انہوں نے اپنے اہل خانہ کیساتھ نئے سال کی شروعات کیں۔ پاکستانی انٹرنیشنل وویمن کرکٹر کائنات امتیاز ان دنوں باکو میں سیاحت کر رہی ہیں انہوں نے وہاں نیو ایئر کی تقریبات میں حصہ لیا ۔سابق کپتان شعیب ملک نے بالوں کے نئے اسٹائل کے ساتھ اپنے مداحوں کیلئے سال کی نیک خواہشات کا اظہار کیا۔
