شکرگڑھ میں بیوپاری نے 4.20 لاکھ روپےغلطی سے ٹوکے سے کتر ڈالے

سیالکوٹ(مانیٹرنگ ڈیسک) شکرگڑھ کے علاقے اخلاص پور میں بیوپاری نے 4 لاکھ 20 ہزار روپے کی رقم غلطی سے ٹوکے سے کتر ڈالی۔نجی ٹی وی کے مطابق شکرگڑھ کے علاقے اخلاص پور میں ایک بیوپاری چوری، ڈکیتی اور فراڈ کے بغیر ہی 4 لاکھ 20 ہزار روپے سے ہاتھ دھو بیٹھا، بیوپاری نے خطیر رقم چارہ کاٹنے والی مشین میں کتر ڈالی۔اخلاص پور ميں کا بیوپاری طارق مويشيوں کی خريداری كے لئے 4لاكھ 20ہزار روپے کی رقم گھر لے كر آيا اور رقم سے بھرا تھیلہ مويشيوں كے چارے كے قريب ركھ کر چارہ مشين پر كام كرنے لگا، طارق نے بے دھيانی ميں چارے كے ساتھ پيسوں والا تھیلہ بھی چارہ مشين ميں ڈال كر 4لاكھ 20ہزار کی رقم كتر ڈالی۔طارق کا کہنا ہے کہ میں غريب آدمی ہوں، غلطی سے نقصان كر بيٹھا ہوں، گورنر اسٹيٹ بينک سے گزارش ہے كہ ميری مدد كریں۔