گڈز ٹرانسپورٹرز کا ٹریفک پولیس کے رویے پر اظہار تشویش

کراچی(پ ر)گڈز ٹرانسپورٹرز کو درپیش مسائل کے حوالے سے کراچی گڈز کیریئرز ایسوسی ایشن کے صدر رانا محمد اسلم کی زیرِ صدارت اجلاس ہوا۔اجلاس میں ٹریفک پولیس کے ناروا رویے اور چالانوں پر تشویش کا اظہار کیا گیا۔شرکا نے کہا کہ جگہ جگہ ناکے لگاکر ٹریفک پولیس نے کمائی شروع کی ہوئی ہے ، جب کہ ناکوں سے بدترین ٹریفک جام بھی معمول بن گیا۔رانا اسلم نے مطالبہ کیا کہ غیر ضروری ناکوں کو فوری ختم اور ٹریفک پولیس کے ناجائز چالان بند کیے جائیں۔گڈز ٹرانسپورٹرز کے دیگر مسائل بھی حل کیے جائیں۔اجلاس میں ملک شیر خان، غلام محمد آفریدی، عرفان خان نیازی و دیگر نے بھی خطاب اور شرکت کی۔