معروف سرجن ڈاکٹر حنیف سعید کی والدہ سپرد خاک

کراچی(بزنس رپورٹر)معروف سرجن ڈاکٹرحنیف سعید کی والدہ حاجیانی زیتون سعید کو پاپوش نگر کے قبرستان میں سپرد خاک کردیا گیا۔ان کی نمازجنازہ ناظم آباد نمبر چار میں بلدیہ وسطی کے مقابل مسجد دار الصلوۃ میں ادا کی گئی، جس میں متحدہ کے رہنما روف صدیقی سمیت مختلف سیاسی ، سماجی و ادبی رہنماوں، ڈاکٹرز، عزیز واقارب اور اہل محلہ نے شرکت کی۔مرحومہ نے پسماندگان میں ڈاکٹر حنیف سعید سمیت 5بیٹے اور 3بیٹیوں کو سوگوار چھوڑا۔حاجیانی زیتون کی فاتحہ سوئم آج بعد نماز مغرب حنیف سعید کی رہائش گاہ واقع خیابان شہباز بالمقابل پیزا ہٹ ڈیفنس میں ہوگی۔