فیڈرل بی ایریا میں قربانی کے 2 بکرے چوری

کراچی(اسٹاف رپورٹر)فیڈرل بی ایریا میں قربانی کے لئے لائے گئے 2 بکرے نامعلوم چور لے اڑے۔شہری نے بکرے چوری کی درخواست متعلقہ تھانے میں جمع کرادی۔پولیس نے واقعہ سے لاعلمی ظاہر کی۔تفصیلات کے مطابق سمن آباد کے علاقے النور سوسائٹی بلاک 20 میں قربانی کے لئے لائے گئے 2 بکرے نامعلوم چرا کر لے گئے۔علاقہ ذرائع کے مطابق بکرے غائب ہونے کی اطلاع ملتے ہی بکروں کے مالک نے علاقہ مکینوں کے ساتھ بکروں کی تلاش شروع کی، تاہم بکرے نہ ملنے پر متعلقہ تھانے میں بکرے چوری کی درخواست جمع کرائی، تاہم ایس ایچ او افتخار احمد نے بکرے چوری کے واقعہ سے لاعلمی کا اظہار کرتے ہوئے بتایا کہ اس حوالے سے انہیں کوئی علم نہیں ہے۔