پہلا بین المدارس ٹیپ بال کرکٹ ٹورنامنٹ شروع ہوگیا

اسلام آباد(اسپورٹس رپورٹر) راولپنڈی اسپورٹس ڈیپارٹمنٹ کے زیراہتمام پہلا بین المدارس ٹیپ بال کرکٹ ٹورنامنٹ مسلم سکول کرکٹ گراؤنڈ راولپنڈی میں شروع ہوگیا۔ڈسٹرکٹ سپورٹس آفیسر راولپڈی عبدالوحیدبابر نے ٹورنامنٹ کاافتتاح کیا، ٹورنامنٹ کے پہلے روز مدرسہ انوارالعلوم ، تعمیرالقرآن، جامعہ فرقانیہ اورمدرسہ معاذ بن جبل نے اپنے اپنے میچز جیت لئے۔ پہلامیچ مدرسہ فرقانیہ ڈہوک کھبہ اور مدرسہ انوارالعلوم کے درمیان ہوا، انوارالعلوم نے پہلے کھیلتے ہوئے 113رنزبنائے ، آصف بلال 50رنز کیساتھ نمایاں سکوررہے، جواب میں مدرسہ فرقانیہ کی ٹیم 52رنز بناسکی اس طرح انوارالعلوم نے میچ 61رنز سے جیت لیا۔ دوسرے میچ میں مدرسہ تعمیرالقرآن نے مقررہ اوورز میں 53سکورکیا، جواب میں جامعہ سراجیہ کی ٹیم 40رنزبناسکی۔تیسرے میچ میں مدرسہ تعلیم ابرار کی ٹیم نے 47رنز بنائے جو جامعہ فرقانیہ کوہاٹی بازار کی ٹیم نے ایک اوور پہلے ہی پورے کرکے میچ جیت لیا۔