بلدیاتی نمائندے ٹیم ورک کے ذریعے ہی عوام کو بروقت سہولتیں فراہم کرسکتے ہیں-چیئرمین بلدیہ غربی

کراچی (بزنس رپورٹر)عوام کو بلدیاتی سہولتوں کی بروقت فراہمی کیلئے بلدیاتی نمائندے ٹیم ورک کی صورت میں فرائض انجام دیکر ہی کامیابی حاصل کرسکتے ہیں۔ ان خیالات کا اظہار چیئرمین بلدیہ غربی اظہار الدین احمد خان نے وائس چیئرمین عزیز اللہ آفریدی اور میونسپل کمشنر عمران اسلم کے ہمراہ بلدیہ بٹگرام کے چیئرمین اور اراکین کونسل سے ملاقات کے موقع پر کیا۔ اس موقع پر پارلیمانی لیڈرز بلدیہ غربی اور اراکین کونسل بھی موجود تھے، وائس چیئرمین عزیز اللہ آفریدی نے بلدیہ غربی کے ترقیاتی کاموں کے بارے میں بریفنگ دی۔