بل گیٹس پاکستان میں سرمایہ کاری کے خواہشمند

اسلام آباد(خبر نگار خصوصی)پاکستان کو سرمایہ کاری کے حوالے سے بڑی خوشخبری مل گئی، مائیکروسافٹ نے پاکستان میں سرمایہ کاری کا اظہار کر دیا ہے، مائیکروسافٹ کے بانی بل گیٹس نے کہا کہ پاکستان کے آئی ٹی سیکٹر میں سرمایہ کاری کرنا چاہتے ہیں۔وزیر اعظم عمران خان سے صدر بل گیٹس فاؤنڈیشن اور سربراہ عالمی ادارہ صحت نے ملاقات کی۔ملاقات میں پاکستان میں صحت سے متعلق مسائل پر تبادلہ خیال کیا گیا۔اس موقع پر صدر بل گیٹس فاؤنڈیشن نے وزیر اعظم کو بانی مائیکروسافٹ بل گیٹس کا خط بھی پیش کیا۔ وزیر اعظم عمران خان کومائیکروسافٹ کے بانی کی جانب سے ارسال کردہ خط میں بل گیٹس نے پاکستان میں سرمایہ کاری کرنے کی خواہش کا اظہار کیا ہے۔