نیو ملیر ہائوسنگ اسکیم ایم ڈی اے کی تعمیرات کا آغاز

کراچی(بزنس رپورٹر)ملیر ڈیولپمنٹ اتھارٹی میں نیو ملیر ہائوسنگ اسکیم میں آبادکاری اور تعمیرات کا آغاز ہوگیا۔ اس سلسلے میں منعقدہ تقریب میں چیئرمین ضلع کونسل سلمان عبداللہ مراد ، چیئرمین اینٹی انکروچمنٹ آغا طارق پٹھان ، ڈائریکٹر لینڈ منیجمنٹ ایم ڈی اے ایوب فاضلانی ، ایم ڈی اے رئیلٹرز ایسوسی ایشن کے صدر کاشف شاہ ، سرپرست اعلیٰ شاہد علیم دیگر عہدیداروں، بلڈر و ڈیولپرز سمیت سیاسی و سماجی شخصیات نے شرکت کی۔رئیلٹرز ایسوسی ایشن کے جنرل سیکرٹری عبدالقادر شر نے اسکیم کی خصوصیات و افادیت کے بارے میں بتاتے ہوئے کہا کہ اسکیم میں کام آغاز ہوچکا۔ الاٹیز واجبات فوری ادا کر کے تعمیرات شروع کریں۔ سلمان مراد نے کہا کہ اسکیم کا خواب بے نظیر بھٹو نے دیکھا تھا اور ایم ڈی اے رئیلٹرز کی کاوشوں سے اس پر کام شروع ہوگیا۔انہوں نے رئیلٹرز ایسوسی ایشن کی پوری ٹیم کو کامیاب آبادکاری کے آغاز پر مبارکباد پیش کی ہے ۔