جیکب آباد- ٹنڈو الٰہ یار میں دکانوں- لیگی رہنما کے گھر کا صفایا

ٹنڈوالہٰ یار/ جیکب آباد (نمائندگان) تال توڑ گروہ نے ٹنڈو الٰہ یار میں فنکشنل یگی رہنما کا گھر، اسپیئر پارٹس کی دکان اور جیکب آباد میں بسکٹ ایجنسی کا صفایا کر دیا، جبکہ پڈعیدن میں 3 قیمتی بکرے چوری کر لئے گئے۔ تفصیلات کے مطابق ٹنڈوالہٰ یار میں تالا توڑ چور گروپ ایک مرتبہ پھر سرگرم ہوگیا تالا چور گروہ نے ڈی ایس پی آفس سٹی کے عقب میں قائم زوہیب آٹوز کی دکان کے تالے توڑ کر دکان میں موجود قیمتی جنریٹر 25 ہزارروپے نقد و دیگر قیمتی سامان چوری کرکے لے گئے، جبکہ نامعلوم چور کشمیری کالونی میں فنکشنل لیگ کے ضلعی صدر ڈاکٹر راشد کشمیری کے گھر میں دن دیہاڑے اس وقت داخل ہوئے جب اہلخانہ گھر میں تالا لگا کر اپنے رشتے داروں سے ملنے گئے چوروں نے گھر میں موجود لاکھوں روپے کے طلائی زیورات نقدی رقم اور دیگر قیمتی سامان چوری کرکے لے گئے ۔