ایشین گیمز کیلئے کھلاڑی محنت کر رہے ہیں- اسلم چوہدری

اسلام آباد (امت نیوز) قومی ویٹ لفٹنگ ٹیم کے کوچ علی اسلم چوہدری نے کہاکہ ایشیئن گیمز کی تیاری کے سلسلہ میں قومی کھلاڑی بھر پور محنت کر رہے ہیں۔ میڈیا سے گفتگو کرتے ہوئے انہوں نے کہا کہ ایشیئن گیمز کی تیاری کے سلسلہ میں کھلاڑیوں کا تربیتی کیمپ پاکستان سپورٹس کمپلیکس میں جاری ہے جس میں کھلاڑی دن رات بھر پور محنت کر رہے ہیں ان کھلاڑیوں میں عبداللہ غفور، محمد یوسف، محمد شہزاد، محمد طلحہ طالب ، ابو سفیان، حیدر علی، فرحان بٹ، شاہدسلطان، محمد طاہر، عبدالرحمن، احتشام پارس، زوہیب منظور، محمد ثاقب، جمیل اختر، اظہر عامر، صدام حسین، زوہیب احمد اور نوح دستگیر شامل ہیں۔ تربیتی کیمپ کے دوران کوچز علی اسلم چوہدری اور محمد الیاس بٹ کوچنگ کے فرائض انجام دے رہے ہیں۔ انہوں نے کہا کہ ایشین گیمز 18 اگست سے 2 جولائی تک جکارتہ، انڈونیشیا میں کھیلے جائینگے۔