انٹر ریجنل انڈر19 ٹورنامنٹ کا دوسرا مرحلہ آج کھیلا جائیگا

اسلام آباد(امت نیوز) پاکستان کرکٹ بورڈ کے زیراہتمام جاری قومی انٹر ریجنل انڈر۔19 کرکٹ ٹورنامنٹ کا دوسرا مرحلہ (آج) جمعہ کو کھیلا جائے گا۔ تفصیلا ت کے مطابق گروپ اے کے میچوں میں ڈائمنڈ گرائونڈ، اسلام آباد میں کراچی وائٹس کا مقابلہ فیصل آباد سے ہوگا، مرغزار گرائونڈ، اسلام آباد میں لاہور وائٹس اور آزاد جموں و کشمیر کی ٹیموں کے درمیان میچ کھیلا جائے گا، کے آر ایل گرائونڈ راولپنڈی میں اسلام آباد اور ڈیرہ مراد جمالی کی ٹیمیں مدمقابل ہونگی۔ پنڈی سٹیڈیم میں کوئٹہ اور راولپنڈی کی ٹیموں کو آمنا سامنا ہوگا، گروپ بی کے میچوں میں یوبی ایل گرائونڈ کراچی میں کراچی بلیو اور سیالکوٹ کی ٹیموں کے درمیان میچ ہوگا۔ نیشنل سٹیڈیم کراچی میں لاہور بلیو کا مقابلہ ملتان سے ہوگا۔ ٹی ایم سی گرائونڈ کراچی میں بہاولپور اور حیدرآباد کی ٹیموں کا ٹکرائو ہوگا ۔