ایلبے مورکل کا تمام طرز کی کرکٹ سے ریٹائرمنٹ کا اعلان

جوہانسبرگ (امت نیوز) جنوبی افریقن آل راؤنڈر ایلبے مورکل نے تمام طرز کی کرکٹ سے ریٹائرمنٹ کا اعلان کر دیا۔ مورکل نے 1999ءمیں ایسٹرنز کی جانب سے ڈومیسٹک کیریئر کا آغاز کیا تھا اور 20الہ کیریئر کے دوران ایک ٹیسٹ، 58ون ڈے اور50ٹی ٹونٹی انٹرنیشنل میچز میں ملک کی نمائندگی کا اعزاز حاصل ہوا اور انہوں نے تینوں فارمیٹس میں 77وکٹیں لیں اور 1412 رنز بنائے۔ 37 سالہ جنوبی افریقن آل راؤنڈر نے کہا کہ بڑھتی ہوئی عمر کی وجہ سے میرے لئے اب پہلے جیسا پرفارم کرنا ممکن نہیں۔