نجی یونیورسٹی کی بس الٹنےسے10طالبات زخمی

راولپنڈی(کرائم رپورٹر) ایکسپریس ہائی وے پر نجی یونیورسٹی کی بس تیز رفتاری کے باعث الٹ گئی، حادثے میں 10 طالبات زخمی ہوئیں جبکہ بس کو بھی شدید نقصان پہنچا۔امدادی ذرائع کے مطابق نجی یونیورسٹی کی بس مری سے وزیرآباد واپس جاتے ہوے اسلام آباد ایکسپریس ہائی وے پر کاک پل کے قریب الٹ گئی جس میں 10طالبات زخمی ہوئیں، 1طالبہ کی حالت تشویشناک ہے، زخمی طالبات کو پولی کلینک ہسپتال منتقل کیا گیا ہے، پولیس کا کہنا ہے کہ متاثرہ طالبات مری میں تفریحی دورے کے بعد واپس وزیرآباد جارہی تھیں کہ بس حادثہ کا شکار ہوگئی، اسلام آباد پولیس، ریسکیو 1122اور دیگر امدادی ٹیموں نے موقع پر پہنچ کر بس میں پھنسی طالبات کو نکالا، پولیس نے ڈرائیور کو تحویل میں لے کر تحقیقات شروع کردی ہیں۔