کبڈی مقابلہ میں پاکستان گرین نے بھارتی پنجاب کو پچھاڑ دیا

لاہور (مانیٹرنگ ڈیسک) لاہورمیں منعقد ہونے والی تین ملکی کبڈی سیریز کے فائنل ٹاکرے میں پاکستان گرین اور بھارتی پنجاب کی ٹیمیں مدمقابل آئیں، پاکستان گرین ٹیم نے سنسنی خیز مقابلے کے بعد مہمان ٹیم کو 29 کے مقابلے میں 40 پوائنٹس سے شکست دے دی۔ جبکہ تیسری پوزیشن کے میچ میں پاکستان وائٹس نے ایران کو ہرادیا۔ تین ملکی کبڈی سیریز کے فائنل میچ سے قبل پنجاب اسٹیڈیم میں میچز سے پہلے کھلاڑیوں کو روایتی بگی پر سیر کرائی گئی، گھڑ رقص بھی ہوا۔ کبڈی سیریز میں پاکستان،ایران اور انڈین پنجاب کی ٹیموں نے اپنے داؤ پیچ آزمائے۔