شوہر نے بیوی ماردی – جھگڑے میں 1 ہلاک

کراچی(اسٹاف رپورٹر) ملیر میں شقی القب شوہر نے جھگڑے کے بعد بیوی کو چھری کے پے درپے وار کر کے قتل کر دیا اور فرار ہوگیا۔ دوسری جانب لیاری میں کرائے کے تنازعہ پر گھر کے اندر ہونے والے جھگڑے میں تیز دھارآلے کے وار سے ایک شخص ہلاک ہوگیا۔ ملیر سٹی کے علاقے جعفر طیار سوسائٹی عمار یاسر سوسائٹی کے فیز 1سے ایک خاتون کو شدید زخمی حالت میں جناح اسپتال لایا گیا جہاں پر اس نے دوران علاج زخموں کی تاب نہ لاتے ہو ئے دم توڑ دیا، پولیس نے بتایا کہ اسپتال میں مقتولہ کی شناخت 27سالہ سعدیہ زوجہ ذیشان کے نام سے کی گئی، پولیس کا کہنا ہے کہ ذیشان سعدیہ پر شک کرتا تھا، پولیس کا کہنا ہے کہ واقعہ سے قبل دونوں میں کسی بات پر جھگڑا ہوا تھا جس پرذیشان نے طیش میں آکر سعدیہ کو چھری مار کر اس کو قتل کردیا اور موقع سے فرار ہو گیا، ڈیوٹی افسر محمد اکمل نے بتایا کہ 5سال قبل شادی ہو ئی تھی سعدیہ تین بچوں کی ماں تھی۔ علاوہ ازیں چاکیواڑہ تھانے کی حدود لیاری عثمان بروہی روڈ نزد فاروقی مسجد کے قریب واقع ایک گھر میں مکان کے کرائے پر تنازعہ پرایک شخص کو قتل کردیا۔ سول اسپتال منتقل کےہیڈ محرر محمد شعیب خان کے مطابق مقتول کی شناخت 32سالہ ساجد ولد عبدالکریم کے نام سے ہوئی، مقتول اور ملزم واصف اور اس کا بھائی حفیظ آپس میں رشتے دار اور ایک گھر میں ہی رہائش پذیر ہیں ان کے درمیان مکان کے کرائے پر کئی ماہ سے تنازعہ چل رہا تھا۔