ینگ بلوچ فٹبال کلب کے تحت ٹورنامنٹ کا انعقاد

کراچی(اسپورٹس رپورٹر) ینگ بلوچ فٹ بال کلب کے زیر اہتمام پہلا آل کراچی حاجی ملک محمد عباس یادگار فٹ بال ٹورنامنٹ گبول پارک میں تین میچز کھیلے گئے۔ پہلا میچ لسبیلہ اسٹوڈنٹس اورینگ جمال لانڈھی کے مابین کھیلا گیا جو کہ وقت مقررہ پر 1-1گول برابر ہونے پر ینگ جمال لانڈھی نے پیلنٹی کک کی بنیاد پر 5-4سے جیت کر اگلے راؤنڈ کیلئے کوالیفائی کرلیا ۔ینگ جمال کی جانب سے گول اظہرنے جبکہ لسبیلہ اسٹوڈنٹس کا گول جبران نے اسکورکیا جبکہ دوسرا میچ ینگ جد گال اور عثمانیہ اسٹار کے مابین کھیلا گیا جو کہ عثمانیہ اسٹار نے 3-0 سے جیت کر اگلے راؤنڈ کیلئے کوالیفائی کرلیا۔ عثمانیہ اسٹار کی جانب سے مازیار، سلمان، توفیق نے ایک ایک گول اسکور کئے۔ تیسرا میچ منگھو پیر اسٹار اور اصلاح بلوچ گولیمار کے مابین کھیلا گیا جو کہ اصلاح بلوچ گولیمارنے 1-0سے جیت کر اگلے راؤنڈ کیلئے کوالیفائی کرلیا میچ کا واحد گول حقیر نے اسکور کیا ۔ریفری کے فرائض اختر کوچ ،چا چا سعید اوریاسر لعل ، شوکت گو ٹائی ،بالاچ شہزاد ،محسن چہاباری اور محمد حنیف نے انجام دیئے میچ کمشنرساجد علی تھے۔