سی پی این ای انٹرنیشنل ریلیشنز کمیٹی کے قیام کا اعلان اکرام مجید سہگل چیئرمین- عامر محمود ڈپٹی چیئرمین مقرر

کراچی (پ ر) کونسل آف پاکستان نیوز پیپرز ایڈیٹرز (سی پی این ای) کے صدر عارف نظامی نے سی پی این ای انٹرنیشنل ریلیشنز کمیٹی کے قیام کا اعلان کردیا ہے۔ سی پی این ای کی انٹرنیشنل ریلیشنز کمیٹی کے چیئرمین اکرام مجید سہگل اورڈپٹی چیئرمین عامر محمود مقرر کئے گئے ہیں جبکہ عارف نظامی، ضیاشاہد، طاہر فاروق، ڈاکٹر جبار خٹک، حامد حسین عابدی، اعجاز الحق، کاظم خان، غلام نبی چانڈیو، عبدالرحمان منگریو، عبدالخالق علی ، مظفر اعجاز ، احمد اقبال بلوچ ، بشیر احمد میمن ، فقیر منٹھار منگریو، شکیل ، احمد شفیق، میاں فضل الہی اور یحیٰ سدوزئی کمیٹی کے ارکان ہوں گے ۔