قومی خواتین کرکٹرز کی آج کراچی میں ٹریننگ شیڈول

کراچی (اسپورٹس رپورٹر ) قومی ویمن کرکٹ ٹیم کا تربیتی کیمپ آ ج (17جنوری بروز جمعرات) سے کراچی میں شروع ہو گا جو 29جنوری تک جاری رہے گا۔ قومی ٹیم کی قیادت بسمعہ معروف کریں گی۔ کیمپ کا انعقادآئی سی سی ویمنز چیمپئن شپ راؤنڈ فور کے میچز کی تیاری کے لئے کیا جا رہا ہے ۔ کیمپ کے دوران ویمن کرکٹرز کی فٹنس اور تکنیک کو بہتر بنایا جائے گا ۔ کیمپ میں شرکت کرنے والے کھلاڑیوں میں بسمعہ معروف، ایمان انور ،انعم امین ،عالیہ ریاض ،عائشہ ظفر ، بی بی ناہیدہ ،ڈیانا بیگ ، ارم جاوید ،جویریہ رؤف ،جویریہ ودود ،کائنات امتیاز ،منیبہ علی صدیقی، نشرہ سندھو، نتالیہ پرویز ، ندا راشد ، عمائمہ سہیل ، صبا نذیر ، ثناءمیر ، سدرہ امین اور سدرہ نواز شامل ہیں۔ ہیڈ کوچ مارک کولز کا کہنا ہے کہ امید ہے کہ قومی ویمن ٹیم مستقبل میں ہونے والی ون ڈے اور ٹی ٹوئنٹی سیریز میں اچھے نتائج دے گی۔