طیارے کے قریب ڈرون گذرنے کے واقعہ کی تفتیش میں پیشرفت نہ ہو سکی

کراچی (اسٹاف رپورٹر) سپر ہائی وے پر طیارے کے قریب سے ڈرون گذرنے کے واقعے کی تفتیش میں کوئی پیشرفت نہ ہوسکی ۔ پولیس کے مطابق ڈرون موجودگی کی صحیح لوکیشن ہی معلوم نہیں ہوسکی ہے ۔ طیارے کی پرواز کے دوران قریب سے ڈرون گذر نے کی اطلاع کے بعد پولیس کو الرٹ کردیا گیا افغان کیمپ اور اطراف کے علاقوں میں آپریشن بھی کیے تاہم 24 گھنٹے گذر نے کے باوجود کوئی پیشرفت ہوسکی نہ ہی یہ تصدیق ہوسکی کہ ڈرون وہاں تھا بھی یا نہیں جبکہ واقعے کا تا حال مقدمہ درج نہیں کیا گیا ۔