میکسیکو میں پٹرول لائن دھماکے سے 66افراد زندہ جل گئے

میکسیکو سٹی(مانیٹرنگ ڈیسک) میکسیکو میں پٹرول پائپ لائن میں زوردار دھماکے کے نتیجے میں 66افراد ہلاک اور 71 زخمی ہوگئے۔ میڈیا کے مطابق میکسیکو سٹی کے شمالی علاقے سے گذرنے والی پٹرول پائپ لائن زوردار دھماکے سے پھٹ گئی۔ آگ کے شعلوں نے قریبی گاڑیوں کو اپنی لپیٹ میں لے لیا۔پ واقعہ پٹرول چوری کے دوران پیش آیا۔ پائپ لائنوں میں ڈرلنگ کرکے پٹرول چور گروہ پائپ لائن میں سوراخ کرکے پٹرول چوری کرر ہا تھا ور علاقہ مکین بھی برتنوں میں پٹرول جمع کر رہے تھے کہ آگ بھڑک اُٹھی اور جھلس کر 21 افراد موقع پر ہی ہلاک ہوگئے جبکہ جھلسے ہوئے 45افرادبعد میں دم توڑ گئے ۔ ہلاک اور زخمی ہونے والوں کی بڑی تعداد پٹرول چوری کررہی تھی ۔ زخمیوں میں متعدد کی حالت نازک ہے۔ریسکیو اداروں نے مقامی آبادی کو محفوظ مقام پر منتقل کرد یاہے جب کہ جائے وقوعہ پر ٹریفک کی آمد و رفت بھی معطل ہے۔